ਨਵੀਂ ਦਿੱਲੀ: ਆਈਫੋਨ ਦੇ ਸਭ ਤੋਂ ਵੱਡੇ ਬਾਜ਼ਾਰ ਚੀਨ ਤੋਂ ਐਪਲ ਨੂੰ ਤਗੜਾ ਝਟਕਾ ਲੱਗਾ ਹੈ। ਚੀਨ ਦੀ ਇਨਟਲੈਕਚੂਅਲ ਪ੍ਰਾਪਰਟੀ ਅਥਾਰਿਟੀ ਮੁਤਾਬਕ ਆਈਫੋਨ 6 ਤੇ 6 ਪਲੱਸ ਦਾ ਡਿਜ਼ਾਈਨ ਚੀਨ ਦੀ ਇੱਕ ਸਮਾਰਟਫੋਨ ਕੰਪਨੀ ਦੀ ਕਾਪੀ ਹੈ। ਅਜਿਹੇ ‘ਚ ਟੈੱਕ ਜਾਇੰਟ ਐਪਲ ਦੇ ਆਈਫੋਨ 6 ਤੇ ਆਈਫੋਨ ਪਲੱਸ ਮਾਡਲ ਨੂੰ ਚੀਨ ‘ਚ ਬੈਨ ਕਰ ਦਿੱਤਾ ਗਿਆ ਹੈ।
ਉੱਧਰ ਐਪਲ ਨੇ ਦਾਅਵਾ ਕੀਤਾ ਹੈ ਕਿ ਚੀਨ ‘ਚ ਆਈਫੋਨ 6 ਤੇ 6 ਪਲੱਸ ਦੀ ਵਿਕਰੀ ਚਾਲੂ ਹੈ। ਕੰਪਨੀ ਨੇ ਦੱਸਿਆ, “ਪੇਟੈਂਟ ਵਿਵਾਦ ਨੂੰ ਲੈ ਕੇ ਅਸੀਂ ਅਪੀਲ ਕੀਤੀ ਸੀ ਕਿ ਇਹ ਮਾਮਲਾ ਬੀਜਿੰਗ ਦੀ IP ਕੋਰਟ ‘ਚ ਰਿਵਿਊ ਲਈ ਪੈਂਡਿੰਗ ਹੈ”।
